Candy in Sugarland

今日要見客，著了在taobao買的套裝。套衫是1 set 的。德國客個德國妹assistant見到都話靚。

套裝的質料不錯，很厚身(不然沒有挺身的效果)，不過顏色和淘寶上的好像有點分別。剛買回來的時候其實我不太喜歡這個色，但穿上身後很好看。<3
淘寶link:
http://item.taobao.com/item.htm?id=19592508529

最近買左好多野，其中包括以下：
Muchacha fall/winter 2012 tote
好可愛啊！反轉貓頭啊！兩面都有print 啊。 仲有個小貓頭送。7-11@ $230
在Amelie Street 買既Spitfire sunglasses. 非常之stylish! 好似是$280, 平平地粗用very perfect! 最緊要是好輕身，放在手袋都唔會覺得好重！
在銅鑼灣巴黎草莓買既淨暢酵素錠， 美容blogger Yoko Tsang介紹的， 近期食好雜，個肚腩好似漲左，是時候清清腸胃了。~$245
在鴨記買的電話殼， 個圓形可以轉的，上面有不同的color filter,可以用正常相機時直接加color filter, 都幾好玩。 但唯一唔好是個殼太厚， 好難除衫。 要知道samsung 機好食電， 我差唔多日日都要用後備電，個殼太厚好難換。 所以用左一個星期左右就無再用過了。~$40
在Apivita買的bergamot & green tea body milk, 好香， 非常容易推開，好易吸收，用完第二天依然好滑。 不過有d貴，$190 得200ml, 我諗搽身好快用完。

同K小姐去左海港城行街， 見到海港城‧美術館入面做緊exhibition，就入去睇下。
原來是畫金魚畫到出神入化的深堀隆介在展出他的作品。 深堀隆介是近年崛起的日本藝術家之一。擅長在透明樹脂上描繪金魚，惟妙惟肖的金魚畫驟眼看來真假難辦。
金魚是深堀隆介的靈感之源，亦是他最具代表性的作品題材。日本的傳統玩意「撈金魚」，是夏日祭典中必不可少的節目，幾乎每個日本人都嘗試過在夏祭中撈金魚，並帶回家飼養，深堀隆介也不例外。他的第一件金魚作品，便是從中獲得靈感，由此啟發他踏上以金魚為題的藝術之路。


深堀隆介以高超的手法將傳統與現代藝術互相結合，利用顏料在透明樹脂上描繪金魚的動態，一層又一層地形成3D立體效果，栩栩如生，令人驚艷。他比喻金魚變幻無窮的形態就像是注入了生命的雕塑一樣，美麗而多變，使他靈感不絕。金魚的千姿百態激發他不斷思考金魚的本質，驅使他創作出一系列具強烈個人風格，同時感動人心的藝術品。

今次的展覽展出了深堀隆介最新的創作，包括以日本清酒器皿和木盆盛載的立體金魚作品，及多張以不同媒介繒畫的平面畫作。


我之前在網上已經留意過 的作品，覺得他非常有創意，把3D畫以獨特的樹膠的形式畫出來，還要非常形似，不說還不知道是假的。

透明樹脂的繪製步驟必須分成兩三次來製作。先上透明樹脂(得靜置兩三天才會乾透)，然後再畫金魚軀體。（以下的圖都是上網找的）
若畫面中還有水草或其他金魚等物體，因為這些物體在水中垂直位置的或高或低，就分得更多層來畫，讓整個畫面自然顯現多層次的視覺效果。
不只可以把金魚畫在木桶內，竹筒、木盒、磁磚等容器或非容器，也可以如法比照，別有一番禪意及創意。

可惜我之前上網最有興趣的沒有展覽出來，只好上網找圖給大家看看。

人的創意真是無休止的，沒有做不到的，只有想不到的。 生活上其實可以有很多創作，但人會不會停下他的腳步，細心觀察身邊的事物，創意就會出來了。 有時總會想，他們會出名，總是有原因的。

深堀隆介：“金魚繪思”
展期：2012年10月18日至11月5日
地點：海港城‧美術館
門票：免費

今日係Dress Pink Day，搵左件粉紅色衫返工，以粉紅Look支持香港癌症基金會，大家有無著粉紅色衫?
一齊為乳癌患者送上祝福，過一個有意義嘅Happy Friday啦！

最近最鍾意食既野之一: 牛角包
Le Salon Restaurant et Croissanterie 既Caramel croissant 超正， 第一次食完完全舔曬舌， 一星期無食， 勁掛住佢， 所以昨天又再去揾佢，水準一樣咁好。
酥皮好鬆好酥， 面頭少少sea salt 唔會太重手， 令caramel味更出。 我是一個勁鍾意caramel既人， 個包我諗我日日食都okay。
Hysan Placr basement 既Jason入面間Urban Bakery d 牛角包都好正， 皇牌要等差唔多30mins先有， 一共有四個味, 仲要一出爐就俾人掃曬， 我去第三次先食到個chocolate covered croissant。 包面既chocolate 勁靚， 好濃既chocolate 味， 個包好鬆化， 但無Le Salon個個咁“化”,無咁易食到成身都是。
Urban另一出品，用皇牌牛角包做既ham and cheese croissant。我買左兩個返屋企同老公做晚餐，非常好食，酥皮鬆化得來唔會“化”開，Brie Cheese 同牛角包都好夾。我另外買左以色列黃色cherry tomato，加上自家strawberry blueberry smoothie,非常美好的一餐。
這個都是Urban出品，是普通的ham and egg croissant, 亦是有水準之作。

這個裙的質料不錯，很重身，行路的時候裙會彈跳彈跳的，很飄"日"
淘寶link:
http://item.taobao.com/item.htm?spm=2013.1.28.19.53e4ba&id=14819762060

前幾天從VeryNelly個fb page見到有開倉， 第一天就同朋友出去掃貨。 我地去到大約1:30-2:00左右，都唔算好多人。

我一共掃左兩個袋一對鞋同一件衫。

我想揾個clutch好耐， 但一直睇唔岩， 因為我個膊頭好易痛，carry唔到重野， 所以袋唔輕唔買。 用過LV/Chanel名牌既人都知靚既名牌袋好多都好重， 所以果d brand 我唔會考慮。 今次一見到Juicy Couture 個clutch, 我心入面諗， 是佢啦。 拎上手好輕身， 摸到都好舒服，加上好平， 殺了。 其實我是第一次買Juicy既袋， 響美國十幾年都無買過， 因為佢d袋真是好重， 加上made in China 但賣成usd 2xx and up, 我覺得唔多抵， 就一直無買。 但今次個個好輕好平， 破左例。 哈哈

第二個袋都是Juicy既， 都是輕同平， 加上我好鍾意細既側“咩”袋， 買來粗用 very good。

對高跟鞋是BCBG, 全場得一對得一個size, 勁靚，好鍾意個detail位。 我好少著高跟鞋， 但總要有一對響屋企旁身， 所以殺了。 價錢同我買對正價Jipa Japa 差唔多， 點可以唔買。 加上d朋友個個都話對鞋好靚， 但我是唯一一個著到對鞋， 所以是我的了。

仲買左件衫Paul and Shark俾老公冬天著， 格仔好佢style。

收到打底褲後，我有天和朋友去了旺中，也見到一樣的打底褲，價錢差不多。但行旺角的辛苦多了，在家舒舒服服我淘寶簡直是天堂。
淘寶link:
http://item.taobao.com/item.htm?id=15546394811