Candy in Sugarland

開始在淘寶淘衫， 我知好多人唔敢淘衫， 因為無試過驚買返屋企會買錯碼， 但其實淘寶買衫有樣野一定要睇， 就是用家既feedback! 國內同胞既feedback好真實， 佢地真是會話件衫質地好或者唔好， 厚還是薄。 有人仲會post自己既身高體重出來話我xx kg, xxx cm, 著到或者著唔到 S/M/L size. 當然賣家自己都會post 件衫既長度/胸圍/腰圍 出來， 所以大家在淘寶買衫一定要清楚自己既胸圍/腰圍/手長/脚長， 咁買錯碼既機會就會縮小。
至於質地， 我一般揾既賣家都會睇佢有無post “實物照", 表示是賣家自己影既相，不要雜誌的照片。 最好有埋件衫質地既近照， 近到影到件衫既質地就最好。
至於點買， 其實我是揾國內的親戚幫我落單寄落香港， 所以我唔知點俾錢。 不過聽人講過最容易既方法是信用卡找數， 這裡就唔多講了。
這一件是我淘的第一批衫， 上身質地非常好， 下面的紗亦很厚身， 不是便宜貨的紗，不會很易鉤穿。 我著住好多同事都話靚。 唯一美中不足是一定要打底， 因為d紗有少少透。