隱家拉麵工場是日本的山手拉麵老舖，來到香港深水埗後，成立左隠家拉麵工場。
入到去，個裝修真會好有性格，好似未完工咁．．．真是好“隱世”
同豚王一樣，只有三款麵。分為隱世白伝 ($78)、黑伝 ($88) 和赤伝 ($98) 三款口味，其中白伝是基本豚骨，黑伝加了黑蒜油，赤伝則是番茄辣醬。
而座位就是汔水膠箱，好有趣既做法。不要以為膠箱唔好坐，其實都okay的。
檯面有教點食，好貼心既做法，大家唔洗驚唔識點食。
仲有kids' menu, d 碗仲好cute 是動物來的。
我坐響bar位，望正個kitchen。
檯面有唔同既汁，粉俾客人自已調味。有昆布醋，芝士粉，辣粉同辣醬。
我叫左隱世黑伝。
第一眼看見隠家的拉麵，禁不住想，這是拉麵來嗎？湯往哪裡去了？原來山手從日本的拉麵文化中，演變出沾麵，一種拉麵的新食法。沾麵是指將麵沾汁來吃，而沾汁的溫度是無平時食開既拉麵湯底咁熱，方便入口，吃完麵，再將木魚清湯倒入沾汁，用手捧起來飲，直至飲曬為止(當然飲唔曬都無人會俾面色你睇)，成個過程其實幾得意。
而隱家是間拉麵工場，麵由師傅即日新鮮打造，不粗不幼，送上來是放涼的，沾一些熱湯吃。
配料包括叉燒、糖心蛋、筍條、蔥花和印上隱家名字的紫菜，非常豐富，其中叉燒肥瘦均勻，糖心蛋是成隻切開呈上，賣相非常吸引。
白伝是基本豚骨, 而黑伝也是基建於豬骨湯底上，再加上黑蒜油。
好得意既隱家紫菜。
木魚清湯
溝左木魚清湯既沾汁。我個人覺得唔溝好似好飲d。
雖然沾麵都幾好食，但我個人都是鍾意拉麵多d。
0 comments:
Post a Comment